මැදපෙරදිග පවතින ගැටුම් මධ්යයේ, ගොඩබෑමේ ගාස්තු ගෙවීමකින් තොරව මත්තල ජාත්යන්තර ගුවන්තොටුපළ භාවිතා කිරීමට ගුවන් සමාගම් කිහිපයක් අවසර ඉල්ලා ඇති බව වරාය හා ගුවන් සේවා නියෝජ්ය අමාත්ය රුවන් කොඩිතුවක්කු මහතා පවසයි.
එමිරේට්ස්, කටාර් එයාර්වේස් සහ ගල්ෆ් පදනම් කරගත් ගුවන් සමාගම් විසින් මෙම ඉල්ලීම කර ඇති බවත් තුර්කි ගුවන් සේවය කටුනායකට සිය ගුවන් ගමන් වාර ගණන වැඩි කර ඇති බව ද නියෝජ්ය අමාත්යවරයා පැවසුවේය.
මැදපෙරදිග ආතතීන් අඛණ්ඩව උත්සන්න වන බැවින්, විකල්ප ගුවන් සේවා ප්රවාහන මධ්යස්ථානයක් ලෙස මත්තල ජාත්යන්තර ගුවන්තොටුපළ ස්ථානගත කිරීම පිළිබඳ සාකච්ඡා පසුගිය සතියේ ආරම්භ වූ බව ද ඔහු පැවසුවේය.
මේ සම්බන්ධයෙන් වැඩි දුරටත් අදහස් දක්වමින් නියෝජ්ය අමාත්යවරයා පැවසුවේ, ගැටුම් කලාපවලින් ඈත්ව පිහිටීම සහ ලොව විශාලතම මගී ගුවන් යානය වන එයාර්බස් A380 හැසිරවීමේ හැකියාව හේතුවෙන් මත්තල ගුවන්තොටුපළ ජාත්යන්තර අවධානයට ලක්ව ඇති බවයි.
මත්තල සහ කටුනායක ගුවන් තොටුපොළට ගල්ෆ් කලාපයෙන් ඇති වී ඇති ඉල්ලුම ගුවන් ගමන් කර්මාන්තයේ ව්යාපාරික අවස්ථා දිනා ගැනීමට සහායක් වී ඇති බව පෙන්වා දුන් රුවන් කොඩිතුවක්කු මහතා ශ්රී ලංකාවේ ආර්ථිකය නංවාලීම සහ සැලකිය යුතු ලෙස බලපෑමට ලක්ව ඇති සංචාරක කර්මාන්තයට මෙය වාසිදායක අවස්ථාවක් බව ද සඳහන් කළේය.
