කොළඹ වරායේ තදබදය අවම කිරීම අරමුණු කරගනිමින් ප්රවාහනයේ නියැලී සිටින බහාලුම් ට්රක් රථ සඳහා ඉන්ධන සැපයුම සහතික කිරීම සඳහා වරාය හා සිවිල් ගුවන් සේවා අමාත්යාංශය ව්යුහගත වැඩසටහනක් ආරම්භ කළ බව අමාත්ය අනුර කරුණාතිලක මහතා පැවසීය.
ආනයනික බහාලුම් නිෂ්කාශනය වේගවත් කිරීම සහ අපනයන භාණ්ඩ වරායට නියමිත වේලාවට ලබා දීම සහතික කිරීම, රටේ අපනයන ආදායම ආරක්ෂා කිරීම මෙම පියවරේ අරමුණ බව අමාත්යවරයා පැවසීය.
මෙම මුලපිරීමේ කොටසක් ලෙස, කාර්යක්ෂම ඉන්ධන බෙදා හැරීම පහසු කිරීම සඳහා අමාත්යාංශය QR කේත ලියාපදිංචි කිරීමේ විස්තර ඇතුළුව බහාලුම් ට්රක් රථ පිළිබඳ පුළුල් දත්ත රැස් කර ඇත.
අමාත්යාංශයේ මෙම පියවර සම්බන්ධයෙන් අප කළ විසකීමකදී බහාලුම් ප්රවාහන හිමියන්ගේ සංගමයේ සභාපති සනත් මංජුල මහතා පැවසුවේ, රජයේ ප්රවෘත්ති දෙපාර්තමේන්තුව හරහා බහාලුම් වාහන 1,325ක් සඳහා දත්ත දැනටමත් ඉදිරිපත් කර ඇති බවයි. ප්රවාහන ක්රියාකරුවන්ට සහන සැලසීමට සහ වරාය මෙහෙයුම් විධිමත් කිරීමට උපකාරී වන පරිදි ඉදිරි සතිය තුළ මෙම වාහන සඳහා අවශ්ය ඉන්ධන ලබා දීමට අමාත්යවරයා එකඟ වී ඇති බව ඔහු තවදුරටත් සඳහන් කළේය.
