බලශක්ති අමාත්ය කුමාර ජයකොඩිට එරෙහිව ගෙන එන ලද විශ්වාසභංග යෝජනාවට ප්රතිචාර දක්වන්නේ කෙසේද යන්න පිළිබඳව ජාතික ජන බලවේගය තවමත් තීරණයක් ගෙන නොමැති බව එහි මහලේකම් සහ රජයේ පාර්ලිමේන්තු මන්ත්රී ආචාර්ය නිහාල් අබේසිංහ මහතා පැවසීය.
ඊයේ (2) ඩේලි මෝර්නින් පුවත්පතට අදහස් දක්වමින් ඔහු පැවසුවේ පක්ෂය අවසන් ස්ථාවරයකට පැමිණ නොමැති බවත් තවමත් එහි විකල්ප කිරා මැන බලමින් සිටින බවත්ය.
“ඒක කොහොමද වෙන්නේ කියලා අපි බලමු. යම් කාලයක් තියෙනවා. අපි තවම තීරණයක් ගෙන නැහැ. සදාචාරාත්මක ගැටලුවක් තිබෙන බව අපි දන්නවා, අපි කළ යුතු දේ සලකා බලනවා,” ඔහු පැවසීය.
විපක්ෂ මන්ත්රීවරුන් දින කිහිපයකට පෙර බලශක්ති අමාත්ය කුමාර ජයකොඩිට එරෙහිව විශ්වාසභංග යෝජනාවක් කථානායකවරයාට භාර දීමෙන් පසුව ජාතික ජන බලවේගය මහ ලේකම්වරයාගේ මෙම ප්රකාශ නිකුත් විය.
