ශ්රී ලංකාවේ සුවිශේෂී ආර්ථික කලාපය තුළ තවත් ඉරාන නෞකාවක් ඇති බව ආණ්ඩු පක්ෂයේ ප්රධාන සංවිධායක අමාත්ය නලින්ද ජයතිස්ස මහතා අද (05) පාර්ලමේන්තුවට පැවසීය.
ශ්රී ලංකා මුහුදු සීමාව තුළ තවත් ඉරාන නෞකාවක් ඇති බව රජය දන්නේ දැයි විපක්ෂ නායක සජිත් ප්රේමදාස මහතා මතු කළ ප්රශ්නයකට පිළිතුරු දෙමින් ඔහු මේ බව පැවසීය.
“ජනාධිපතිවරයා, ආරක්ෂක මණ්ඩලය සහ රජය මේ කාරණය පිළිබඳව දැනුවත්ව සිටිනවා. යාත්රාවේ සිටින නාවිකයින් සම්බන්ධයෙන් රජය උපරිම මැදිහත්වීමක් කරනවා. මෙම ගැටලුව විසඳීමට, ජීවිත හානි අවම කිරීමට සහ කලාපීය ආරක්ෂාව සහතික කිරීමට අපි අවශ්ය මැදිහත්වීම් කරමින් සිටිනවා. මෙම නෞකාව යාත්රා කරන්නේ අපගේ භෞමික ජල සීමාවේ නොවේ. එය සුවිශේෂී ආර්ථික කලාපය තුළ යාත්රා කරමින් තිබෙනවා. මේ සම්බන්ධ වාර්තාවක් අපි පාර්ලිමේන්තුවට ඉදිරිපත් කරනවා” ඔහු පැවසීය.
නෞකාවේ කාර්ය මණ්ඩලය 100කට වැඩි පිරිසක් සිටි බවත්, බදාදා ශ්රී ලංකාවේ දකුණු වෙරළට ආසන්නව එක්සත් ජනපද සබ්මැරීනයක් විසින් සහෝදර නෞකාවක් ගිල්වා දැමූ ආකාරයටම ඔවුන් ද ඉලක්ක කර ගත හැකි බවට බිය වූ බවත් ඔවුන් පැවසූහ.
ඉරානයට එක්සත් ජනපද-ඊශ්රායල් ඒකාබද්ධ ප්රහාරයක් හේතුවෙන් ඇති වූ යුද්ධය මැද පෙරදිග සහ ඉන් ඔබ්බට පැතිර යාමත් සමඟ මෙම ප්රහාරය සිදුවිය.
