2025 වන විට ඩෙන්මාර්කය රට පුරා ලිපි බෙදා හැරීමේ කටයුතු අවසන් කිරීමටත් ඊ-වාණිජ්ය වර්ධනය හේතුවෙන් වැඩි වී ඇති පාර්සල් බෙදා හැරීම කෙරෙහි අවධානය යොමු කිරීමටත් තීන්දු කර ඇති බව විදෙස් මාධ්ය පවසයි.
ඩිජිටල් සන්නිවේදනය ප්රමුඛ වන විට සාම්ප්රදායික තැපැල් භාවිතයේ තියුණු පහත වැටීමක් උපුටා දක්වමින් ඩෙන්මාර්ක රජය 2025 අවසානය වන විට රට පුරා තැපැල් සේවය නවතා දැමීමට සිය සැලසුම් නිවේදනය කළ අතර මෙම පියවරේ කොටසක් ලෙස ඩෙන්මාර්කය පුරා ඇති සියලුම පොදු තැපැල් පෙට්ටි ඉවත් කරනු ඇත.
ඩෙන්මාර්ක් තැපැත් සේවයට අනුව 2000 දශකයේ මුල් භාගයේ සිට ඩෙන්මාර්කයේ ලිපි පරිමාවන් සියයට 90කට වඩා පහත වැටී ඇති අතර එමඟින් රට පුරා ලිපි සේවාවක් අඛණ්ඩව පවත්වාගෙන යාම මූල්යමය වශයෙන් තිරසාර නොවේ. ඊ-වාණිජ්ය වර්ධනය හේතුවෙන් වැඩි වී ඇති පාර්සල් බෙදා හැරීම කෙරෙහි සමාගම අවධානය යොමු කරනු ඇත.
පොදු ලිපි බෙදා හැරීම සම්පූර්ණයෙන්ම ඉවත් කළ පළමු ප්රධාන රටවල් අතර ඩෙන්මාර්කය සිටිය ද, සමහර කුඩා ජාතීන් සහ ප්රදේශ මීට පෙර සාම්ප්රදායික තැපැල් ලිපි සේවා අඩු කර හෝ නතර කර ඇති බැවින්, එසේ කළ ලෝකයේ පළමු රට ඩෙන්මාර්කය නොවේ.
ඩිජිටල් වේදිකා හරහා අත්යවශ්ය සන්නිවේදනයන් දිගටම පවතිනු ඇති බවත්, සංක්රාන්ති කාලය තුළ අවදානමට ලක්විය හැකි කණ්ඩායම් සඳහා විකල්ප විධිවිධාන ලබා ගත හැකි බවත් බලධාරීන් පවසා තිබේ.
ලෝකයේ පැරණිම තැපැල් සේවයකට හිමිකම් කියන ඩෙන්මාර්කය මීට වසර 400කට පමණ පෙර තැපැල් සේව ආරම්භ කළේය.
