ඉරාන යුද්ධය සම්බන්ධයෙන් ජනාධිපති ඩොනල්ඩ් ට්රම්ප් යුරෝපීය සහචරයින්ට එල්ල කළ විවේචන වලින් පසුව, නේටෝ මහලේකම් මාර්ක් රූට් ලබන සතියේ වොෂින්ටනයට පැමිණෙනු ඇත.
නේටෝ ප්රකාශකයෙකු “දිගු කලක් සැලසුම් කළ සංචාරයක්” ලෙස හැඳින්වූ මෙම සංචාරය, ජනාධිපති ඩොනල්ඩ් ට්රම්ප් ඉරාන යුද්ධය සම්බන්ධයෙන් යුරෝපීය සහචරයින්ට දොස් පැවරීමෙන් පසුව සිදුවීම විශේෂත්වයකි.
“දිගු කලක් සැලසුම් කළ සංචාරයක් සඳහා නේටෝ මහලේකම්වරයා ලබන සතියේ ඩීසී වෙත පැමිණෙන බව මට තහවුරු කළ හැකියි,” නේටෝ ප්රකාශක ඇලිසන් හාර්ට් පැවසීය. ධවල මන්දිර නිලධාරියෙකු ද මෙම සංචාරය තහවුරු කළේය.
සංචාරය පිළිබඳ වැඩිදුර විස්තර ක්ෂණිකව ලබා ගත නොහැකි විය.
හෝමූස් සමුද්ර සන්ධියේ අවහිරතා ඉවත් කිරීම සඳහා යුරෝපීය සාමාජිකයන් නැව් යැවීම ප්රතික්ෂේප කිරීම හේතුවෙන් බටහිර හමුදා සන්ධානයෙන් ඇමරිකා එක්සත් ජනපදය ඉවත් කර ගැනීම ගැන සලකා බලන බව ට්රම්ප් ඊයේ පැවසීය.
ධවල මන්දිරයේ පාස්කු දිවා භෝජන සංග්රහයක් සඳහා රැස්ව සිටි මිත්ර පාක්ෂිකයින් හමුවේ කළ මෙම ප්රකාශයේදී ට්රම්ප්, ප්රංශය සහ එක්සත් රාජධානිය ඇතුළු අනෙකුත් ඇමරිකානු මිත්ර පාක්ෂික රටවල් “කඩදාසි කොටියෙකු” ලෙස විවේචනය කළේය.
යුරෝපීය රටවල්, ඇමරිකා එක්සත් ජනපදය සහ කැනඩාව ඇතුළත් නේටෝ සංවිධානය, 1949 දී සෝවියට් ප්රහාරයේ අවදානමට මුහුණ දීමේ අරමුණින් පිහිටුවන ලද අතර එතැන් සිට බටහිර ආරක්ෂාවේ කේන්ද්රස්ථානය වී ඇත.
“නේටෝව තුළ අපට ඉතා නරක මිත්ර පාක්ෂිකයෝ කිහිප දෙනෙක් සිටියා. මම බලාපොරොත්තු වෙනවා, අපට කවදාවත් ඒවා අවශ්ය වෙන එකක් නැහැ. මට හිතෙන්නේ නැහැ අපිට ඒවා අවශ්ය වෙයි කියලා.” ට්රම්ප් පැවසීය.
මූලාශ්රය: රොයිටර්
