“ක්රීඩාවල යෙදීමේදී උත්තේජක ද්රව්ය ගැනීමට එරෙහි සම්මුති පනත යටතේ නියෝග” සඳහා තරුණ කටයුතු සහ ක්රීඩා කටයුතු පිළිබඳ අමාත්යාංශයීය උපදේශක කාරක සභාවේ අනුමතිය
‘ක්රීඩාවල යෙදීමේදී උත්තේජක ද්රව්ය ගැනීමට එරෙහි සම්මුති පනත යටතේ නියෝග’ සඳහා තරුණ කටයුතු සහ ක්රීඩා කටයුතු පිළිබඳ අමාත්යාංශයීය උපදේශක කාරක සභාවේ අනුමතිය හිමිවිය. මීට අදාළ නියෝග 2026 ජනවාරි 16 දිනැති 2471/51 දරන අති විශේෂ ගැසට් පත්රයේ පළ කර ඇත.
මේ සඳහා අනුමතිය හිමි වූයේ එම කාරක සභාව තරුණ කටයුතු සහ ක්රීඩා අමාත්ය සුනිල් කුමාර ගමගේ මහතාගේ සභාපතීත්වයෙන් සහ ගරු නියෝජ්ය අමාත්ය දිනිඳු සමන් හෙන්නායක මහතාගේ සහභාගීත්වයෙන් පසුගියදා (20) පාර්ලිමේන්තුවේදී රැස්වූ අවස්ථාවේදී ය.
මෙම අවස්ථාවට කාරක සභාවේ සමාජික මන්ත්රීවරයන් සහ සමාජික නොවන මන්ත්රීවරයන් පිරිසක්ද තරුණ කටයුතු සහ ක්රීඩා අමාත්යාංශ ලේකම්වරයා ඇතුළු නිලධාරීහු පිරිසක් ද එක්ව සිටියහ.
