ඉදිකිරීම්, නිෂ්පාදන, අපනයන සහ සේවා ඇතුළු සියලුම කර්මාන්ත සඳහා අඛණ්ඩව ඉන්ධන සැපයීම සහතික කිරීම සඳහා රජය විශේෂ වැඩසටහනක් ක්රියාත්මක කර ඇති බව කර්මාන්ත හා ව්යවසායකත්ව සංවර්ධන අමාත්යාංශයේ ලේකම් තිලකා ජයසුන්දර මහත්මිය පැවසුවාය.
කර්මාන්තකරුවන් සඳහා ඉන්ධන සැපයුම් වැඩසටහනේ ප්රගතිය යාවත්කාලීන කිරීම සඳහා අද (27) රජයේ ප්රවෘත්ති දෙපාර්තමේන්තුවේ පැවති මාධ්ය හමුවකදී ඇය මෙම අදහස් පළ කළාය.
පසුගිය මාර්තු 16 වන දින සිට අංශ 20ක කර්මාන්තකරුවන් 2,846ක් තම ඉන්ධන අවශ්යතා ඉදිරිපත් කර ඇති අතර මෙයින් ඉල්ලීම් 2,551ක් නිර්දේශ කර ලංකා ඛනිජ තෙල් සංස්ථාවට යොමු කර ඇති බව ජයසුන්දර මහත්මිය පැවසුවාය.
ඉන්ධන ලීටර් 400 ට අඩු ඉල්ලීම් ප්රාදේශීය ලේකම්වරුන් හරහා අනුමත කර බෙදා හැරීම සඳහා අසල ඇති ඉන්ධන පිරවුම්හල් වෙත යොමු කරන බව ඇය තවදුරටත් පැවසුවාය.
කර්මාන්තකරුවන්ට අවශ්ය ඉන්ධන සැපයුම බාධාවකින් තොරව ලැබෙන බව සහතික කිරීමට ලංකා ඛනිජ තෙල් සංස්ථාව පියවර ගනිමින් සිටින බව ලේකම්වරිය අවධාරණය කළාය.
