රජය දැනට අධ්යාපන පද්ධතිය සහ ආර්ථිකයේ සියලුම අංශ හරහා පරිවර්තනීය ප්රතිසංස්කරණ සඳහා කටයුතු කරමින් සිටින බව අගමැතිනි ආචාර්ය හරිනි අමරසූරිය පැවසුවාය.
වෙනසකට මඟ පාදන පෞද්ගලික වගකීමේ වැදගත්කම අවධාරණය කරමින්, අර්ථවත් පරිවර්තනයක් සාක්ෂාත් කරගත හැක්කේ පුද්ගලයන් තමන්ව වෙනස් කර ගැනීමට කැමැත්තෙන් සිටින විට පමණක් බව ද අග්රාමාත්යවරිය පැවසුවාය.
ඉසුරුපාය අධ්යාපන අමාත්යාංශ පරිශ්රයේදී අද (09) දින 14 වන වරටත් පැවැත්වූ මහත්මා ගාන්ධි ශිෂ්යත්ව ප්රදානය කිරීමේ වැඩසටහනට සහභාගී වෙමින් අග්රාමාත්යවරිය මෙම අදහස් පළ කළාය.
මෙහිදී අග්රාමාත්යවරිය මෙසේ ද පැවසුවාය, “නිදහස් අධ්යාපන පද්ධතිය තුළ කිසිදු දරුවෙකු අත් නොහැරෙන සේ අධ්යාපනය ලබා දීම සඳහා රජය වැඩසටහන් දියත් කරමින් පවතින මොහොතක මෙවැනි වැඩසටහන් ඔස්සේ දක්ෂ සිසුන්ට ඔවුන්ගේ ඉදිරි ගමන සාර්ථක කර ගැනීමට උපකාරයක් ලබා දෙනවා. ඒ වගේම මහත්මා ගාන්ධිතුමාගේ නමින් ලබා දෙන මෙම ශිෂ්යත්ව වැඩසටහන මගින් එතුමාගේ ජීවිතයෙන් ලබාගත හැකි ආදර්ශයන් අපට යළි සිහිපත් කරවනවා”.
මෙම උත්සවයේදී, 2020/2021 අධ්යයන වර්ෂ සඳහා අ.පො.ස. සාමාන්ය පෙළ (සා.පෙළ) විභාගවල කැපී පෙනෙන කාර්ය සාධනයක් පෙන්නුම් කළ තෝරාගත් සිසුන් 300 දෙනෙකුට මූල්ය ආධාර ප්රදානය කරන ලදී.
