ඉන්ධන බෙදා හැරීම සඳහා QR කේත ක්රමය නැවත හඳුන්වාදීමෙන් පසු රථවාහන කළමනාකරණය සඳහා ඉන්ධන පිරවුම්හල්වල පොලිස් නිලධාරීන් යොදවා ඇති බව රථවාහන හා මාර්ග ආරක්ෂාව පිළිබඳ නියෝජ්ය පොලිස්පති ඩී.පී.ජී.ජේ. සේනාධීර මහතා පවසයි.
ඔහු සඳහන් කළේ අනවශ්ය මහජන භීතිය ඉන්ධන පිරවුම්හල්වල තදබදයට සහ දිගු පෝලිම්වලට හේතු වී ඇති බවයි.
ජනතාව සන්සුන්ව සිටින්නේ නම්, මෙම ගැටලු ඇති නොවන බව ඔහු තවදුරටත් පැවසීය.
“ඔබට අවශ්ය ප්රමාණයට වඩා පෝලිම් ගැසීමට අවශ්ය නැහැ. කාර්යක්ෂම ඉන්ධන බෙදා හැරීම සහතික කිරීම සඳහා පද්ධතිය හඳුන්වා දී තිබෙනවා. ඕනෑම ඉන්ධන පිරවුම්හලකින් ජනතාවට අවශ්ය ඉන්ධන ලබාදීමට පියවර ගන්නවා. තදබදය අවම කිරීම සඳහා, අපගේ රථවාහන සහ පොලිස් නිලධාරීන් තත්වය සක්රීයව කළමනාකරණය කරමින් සිටිනවා” රථවාහන හා මාර්ග ආරක්ෂාව පිළිබඳ නියෝජ්ය පොලිස්පති ඩී.පී.ජී.ජේ. සේනාධීර මහතා වැඩි දුරටත් පැවසුවේය.
