අද (27) උදෑසන දිවයිනට ගෙන එන ලද සංවිධානාත්මක අපරාධකරුවෙකු වන ජනිත් මධුශංක ද සිල්වා හෙවත් “පොඩි ලැසී” අද (27) ගාල්ල දිස්ත්රික් අපරාධ කොට්ඨාශයට භාර දීමට නියමිත බව පොලිස් මාධ්ය ප්රකාශක, සහකාර පොලිස් අධිකාරී එෆ්.යූ. වූට්ලර් පවසයි.
පොලිස් මාධ්ය ප්රකාශකවරයා පැවසුවේ සැකකරු ඉදිරියේ දී අධිකරණයට ඉදිරිපත් කරන බවයි.
ඉන්දියාවට ගොස් සිටි අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායම් විසින් සංවිධානාත්මක අපරාධකරුවෙකු බව කියන ජනිත් මධුශංක ද සිල්වා හෙවත් “පොඩි ලැසී” අද උදෑසන දිවයිනට රැගෙන ආවේය.
මිනීමැරුම්, මත්ද්රව්ය ජාවාරම සහ කප්පම් ගැනීම් ඇතුළු බොහෝ වැරදිවලට සම්බන්ධ අපරාධකරුවෙකු ලෙස ඔහු සලකනු ලබන බව පොලිස් මාධ්ය ප්රකාශකවරයා සඳහන් කළේය.
බලපිටිය මහේස්ත්රාත් අධිකරණය විසින් අත්අඩංගුවට ගැනීම සඳහා විවෘත වරෙන්තුවක් නිකුත් කර තිබිය දීත්, සැකකරු වසරක කාලයක් අධිකරණය මඟ හැර සිටි අතර ඔහුව 2025 ජනවාරි 16 වන දින ඉන්දියාවේ මුම්බායි හි දී අත්අඩංගුවට ගන්නා ලද අතර පොලිස්පතිවරයා මෑතකදී ඉන්දියාවෙන් ඔහුව ශ්රී ලංකාවට භාර දෙන ලෙස විධිමත් ඉල්ලීමක් කළේය. එහි ප්රතිඵලයක් ලෙස ඉන්දිය රජය සැකකරුව ශ්රී ලංකා රජයට භාර දීමට පියවර ගත්තේය.
